1955-ci ildən nəşr olunmağa başlayan və dünyanın ən çox satılan, həmçinin oğurlanan kitabı olan "Ginnesin Rekordlar Kitabı"nın maraqlı rekordları var. 1955-ci ildən İrlandiyada ingilis dili ilə yanşı, ümumilikdə 31 dildə nəşr olunan rekordlar kitabında ümumilikdə 2638 qeyd var. Bəs onlar arasında ən qəribələri hansılardır? 

Valyuta.az onlardan bir neçəsini təqdim edir:

"Oyuncaq hekayəsi" filminin sevimli personajı olan cənab Kartof Başı 6,62 saniyəyə yığan türkiyəli Samet Durmaz bu hərəkəti ilə rekordlar kitabına düşüb. Durmaz bu rekordu 2010-cu ildə qırıb.

2012-ci ildə Patrik Bertoletti adlı amerikalı şəxs səkkiz bananın hamısını eyni anda soyub yeyərək dünya rekordu qırmaqla adını rekordlar kitabına yazdırıb.

2013-cü ildə Çade Samuel adlı şəxs "iPad"də bütün əlifbanı 2,47 saniyəyə səhvsiz və bir əllə yazaraq dünya rekordu qırıb. 

2009-cu ildə Terry Barrovs standart üç çərçivəli ofis pəncərəsini 30 fut uzunluğunda silici və yeddi litrdən bir qədər çox su ilə cəmi 9,14 saniyəyə təmizləyərək dünya rekordu qırdı.

Ross Makkardi bir dəqiqə ərzində 32 yumurta sındıraraq rekord qırıb. O, yumurtaları qabığı içəriyə düşmədən bir əli ilə sındırmağı bacarıb. 

İrlandiyadan olan dörd kişi düz 30 saat 1 dəqiqə qucaqlaşaraq ən uzun qrup qucaqlaşma rekordunu qırıb.

2019-cu ildə Kanada vətəndaşı olan Ted Hastings ardıcıl 290 kişi köynəyi geyinməklə rekord qırıb. O, eyni vaxtda ən çox kişi köynəyi geyinən şəxs ünvanını qazanıb.

2015-ci ildə Silvio Sabba 247 ədəd köhnə CD-ni yalnız şəhadət barmağında balanslı şəkildə saxlayaraq dünya rekordu qırıb.

Elmir