Valyuta.az həftə sonu izləmək üçün biznes təcrübələrini özündə əks etdirən filmləri təqdim edir. Bu həftə üçün seçimimiz Film "Miracle Mop"un ixtiraçısı və “Ingenious Designs” şirkətinin yaradıcısı Coy Manqanonun həyatı haqqında bioqrafik film olan “Joy”dur.

Bu, 2015-ci ildə ekranlara çıxan David O. Russell tərəfindən yazılmış və rejissorluq etdiyi Amerika bioqrafik komediya-dram filmidir. Film Coy Manqanonun üç övladı ilə tək başına mübarizəsindən bəhs edir. Cennifer Lourens Manqano obrazını canlandırarkən, filmdə Robert De Niro və Bredli Kuper də rol alır. Cennifer Lourens bu filmdəki roluna görə Akademiya Mükafatında “Ən yaxşı qadın oyunçu” nominasiyasına namizəd olsa da, qalib ola bilməyib.

Filmin məzmununa gəldikdə isə, baş roldakı Coy uşaqlıqdan təxəyyülü çox inkişaf etmiş, yeni ixtiralar yaratmağa çalışan qızdır. Həyatında və ailəsində yaşadığı çətinliklərə baxmayaraq, məhsuldarlığını heç vaxt itirmir. Gündəlik həyatda praktiki məsələlərlə bağlı hər cür işin öhdəsindən gələ bilir. Bu arada o, boşanmış həyat yoldaşı, problemli anası, diqqət tələb edən iki azyaşlı uşağı və yarı problemli atası ilə "normal" həyat sürməyə çalışır. Amma bir gün hər şey onun üçün çox olur və Coy yarımçıq qoyduğu arzularından birinə yapışmaq üçün yenidən qollarını çırmalayır.

Nuray