Hər kəs büdcəsindən, gəlirindən asılı olmayaraq zaman-zaman maliyyə səhvləri edir. Məhdud maliyyə imkanlarınız varsa, çox güman ki, unikal problemlərlə üzləşəcəksiniz. Aşağı gəlirli insanların aylıq olaraq etdikləri bir sıra ümumi pul səhvləri var. Etdiyiniz səhvləri öyrənib, özünüz və yaxınlarınız üçün daha parlaq maliyyə gələcəyini təmin edərək, dəyişikliklər etməyə başlaya bilərsiniz.

Valyuta.az kasıb insanların etdiyi maliyyə səhvlərini diqqətinizə çatdırır.

Büdcəyə məhəl qoymamaq

Daha az pulu olan insanların etdiyi ən çox yayılmış pul səhvlərindən biri büdcə yaratmağa və ona əməl etməyə məhəl qoymamaqdır. Büdcə, maliyyəniz üçün yol xəritəsi rolunu oynayır, gəlirlərinizi, xərclərinizi və qənaət məqsədlərinizi izləməyə kömək edir. Gəlirlərinizi və xərclərinizi bir yerə qeyd edərək izləmək sizə çox kömək edəcək.

Hesabların gec ödənilməsi

Gecikmiş faktura ödənişləri diqqət yetirilməli olan başqa bir ödəniş mənbəyidir. Ödəməli olduğunuz krediti gecikdirəndə, üzərinə faiz gələcək və siz məhdud büdcənizlə əlavə xərcə düşmüş olacaqsınız. Bu da borcdan qurtulmağı daha da çətinləşdirir. Ödənişlərinizin vaxtında ödənilməsini təmin etmək üçün xatırlatmalar və ya avtomatik ödənişlər qurun. 

Bank kreditlərindən istifadə

İnsanlar maliyyə problemləri yaşadıqda bank kreditlərinə üz tuturlar. Bank faizləri bəzən çox yüksək olur. Banklar müxtəlif təkliflərlə sizi manipulyasiya edə bilərlər. Unutmamalısınız ki, o da borc almağın bir yoludur və borcla borcu bağlamaq ağılsızlıqdır. Bu sizə əlavə xərcdən başqa heç nə qazandırmayacaq.

Bədxərclik 

Anlıq qərarla nə isə almaq hər kəsin maliyyəsi üçün zərərlidir, lakin məhdud resursları olanlar üçün xüsusilə zərərli ola bilər. Şıltaqlıqla əşyalar almaq sizi əsas xərclər üçün lazım olan puldan məhrum edə bilər. Satın almadan əvvəl, bunun ehtiyac və ya istək olub-olmadığını düşünün. Alış-veriş siyahısı yaradın və mağazaya getdiyiniz zaman ona əməl edin. Stressli və ya emosional olduğunuz zaman alış-verişdən çəkinin, çünki bu, impulsiv xərclərə səbəb ola bilər.

Nuray