Hollivud aktrisası Culiya Roberts son 10 ildə uğur cədvəlini daim artıran nadir aktyorlardandır.

Əsl adı Culiya Fiona Roberts olan aktrisa 28 oktyabr 1967-ci ildə Amerikanın Corciya ştatında anadan olub. Onun 10 yaşı olanda atası xərçəngdən dünyasını dəyişib. Heyvanları çox sevdiyi üçün baytar olmaq istəyən Culiya jurnalistika təhsili alıb. Qardaşı Erik Hollivudda yerləşməyə başlayanda, ona qoşulmağa qərar verib. Burada o, “Clic” model agentliyində işləməyə başlayıb.

Onun filmdə ilk rolu 1987-ci ildə qardaşı Erik Robertsin "Qırmızı qan" filmindəki rolu ilə olub. Lakin bu film 1990-cı ilə - o, artıq ulduzluğa yüksəldiyi vaxta qədər yayımlanmadı. Afişalarda görünən ilk filmlər 1988-ci ildə "Satisfaction" (Məmnunluq) və "Mystic Pizza" (Mistik Pizza) filmləri idi.

1989-cu ildə "Polad maqnoliyalar" filmindəki kövrək gənc qız roluna görə ilk “Oskar” nominasiyasını aldı. Lakin onu zirvəyə aparan film 1990-cı ildə “Gözəlçə” olub. O, bu filmə görə də “Oskar” mükafatına namizəd olub. Xarizmatik Riçard Gere ilə yanaşı, Roberts Amerika arzusunu bir gecədə gerçəkləşdirən qadın kimi kino tarixinə düşdü.

Bu tarixdən sonra edilən hər səsvermədə Amerika xalqının ən çox bəyəndiyi və sevimli ulduzu seçilən Culiya Roberts oynadığı hər filmin kassada uğur qazanmasına səbəb oldu. Təbii ki, bu uğur həm də maddi cəhətdən mükafatlandırıldı və gözəl ulduzun hər filmə görə qazandığı gəlir getdikcə artdı. 2000-ci ildə “Erin Brokoviç”lə bir qadın ulduzun indiyə qədər aldığı ən yüksək maaşa - 20 milyon dollara çatdı.

Culiya pulunu daşınmaz əmlaka xərcləyir. O, ən azı 4 dəbdəbəli evin sahibidir:

Yaşıl malikanə – 22,3 milyon dollar
Kaliforniya evi - 11,4 milyon dollar
Taos Ranch - 2,5 milyon dollar
Manhettendə mənzil - 4 milyon dollar

Aktyorluq Culiya üçün ən gəlirli iş növü olaraq qalır. O, filmdəki rollarına görə böyük ödənişlər istəyə bilər. Çünki o, “Oskar” və “Qızıl Qlobus”un sahibidir.

Valyuta.az Robertsin bəzi filmləri və onlara görə gəlirini təqdim edir:

“Mystic Pizza” – 50 000 dollar
1988-ci ildə çəkilən romantik komediya filmidir. Roberts, Konnektikut ştatında pizza salonunda işləyən üç yeniyetmə qızdan bəhs edən Daisy rolunu canlandırıb.

“Gözəlçə” (Pretty Woman) - 300 000 dollar
Roberts bu filmdəki roluna görə “Ən Yaxşı Aktrisa”, “Qızıl Qlobus” mükafatına və onu super ulduza çevirən performansına görə “Ən yaxşı qadın oyunçu” üçün Akademiya Mükafatına namizəd oldu.

“Düşmənlə yatmaq” (Sleeping with the Enemy) – 1 milyon dollar
Film 1991-ci ildə Jozef Ruben tərəfindən çəkilib. Baş rollarda Culiya Roberts, Patrik Bergin və Kevin Andersonun çəkildiyi Amerika psixoloji triller filmidir. Film Nensi Praysın 1987-ci ildə yazdığı eyniadlı romanına əsaslanır. Filmdə Roberts öz ölümünü saxtalaşdıran qadın rolundadır. O, obsessiv ərindən qaçmaq üçün bu addımı atır. 

“Ən yaxşı dostumun toyu” (My Best Friend’s Wedding) – 12 milyon dollar
Ən yaxşı dostumun toyu - 1997-ci ildə Ronald Bassın ssenarisindən P.J.Hoqanın rejissorluğu ilə çəkilmiş Amerika romantik komediya filmidir. Filmdə baş rolları Culiya Roberts, Dermot Mulroney, Kameron Diaz və Rupert Everett ifa edirlər.

“Mona Lizanın gülüşü” (Mona Lisa Smile) – 25 milyon dollar
Bu filmdə Culiya Roberts müəllim rolundadır. Katherine Ann Watson (Julia Roberts), 1953-cü ildə Kaliforniyadan Yeni İngiltərəyə sənət tarixi müəllimi olaraq qız kollecinə gəlir. Filmdə Culiya şagirdlərinə gedəcəkləri yolun onlara göstərilən yox, özlərinin seçəcəkləri yol olduğunu izah edir. 

“Meksikalı” (The Mexican) – 20 milyon dollar
“Meksikalı” 2001-ci ildə Qor Verbinskinin rejissoru olduğu və baş rollarda Culiya Roberts və Bred Pittin çəkildiyi amerikan qaranlıq komediya, macəra, cinayət filmidir.

“Erin Brockovich” - 20 milyon dollar
Film, Kaliforniya şəhərinin vətəndaşlarına şirkətin içməli suyun çirklənməsi nəticəsində yaranan sağlamlıq problemlərinə görə kommunal şirkətə qarşı çoxmilyonluq hesablaşma qazanmağa kömək edən bir hüquq bürosu məmurunun real həyat hekayəsini təsvir edir. Onun performansına görə Roberts ən yaxşı aktrisa nominasiyasında Akademiya Mükafatını qazanıb.

“Qaçaq gəlin” (Runaway bride) - 17 milyon dollar
Bu, 1999-cu ildə Qarri Marşalın rejissorluğu ilə çəkilmiş və baş rollarda Culiya Roberts və Riçard Gerenin oynadığı amerikalı romantik komediya filmidir.

“Notting Hill” - 15 milyon dollar
Robertsin kitab mağazası sahibinə aşiq olduğu Notting Hill filmində özünə çox bənzəyən bir kino ulduzunu oynayıb. 

İkiüzlülük (Duplicity) - 15 milyon dollar 
2009-cu ildə Tony Gilroy tərəfindən yazılan və rejissorluq edilən, Culiya Roberts və Cliv Ovenin baş rollarda çəkildiyi Amerika romantik, cinayət, komediya filmidir. Süjet iki korporativ casusdan bəhs edir və onlar mürəkkəb bir hiylə həyata keçirmək üçün əməkdaşlıq edirlər.

Nuray