Təvazökar köklərdən böyüyən Uolt Disney imtiyazlar üçün doğulmayıb, əksinə, zəhmətkeşliyi sayəsində o, “The Walt Disney Company”nin, o cümlədən, onun törəmə və filiallarının yaradılmasında uğur qazanıb.

1923-cü il oktyabrın 16-da Uolt Disney və qardaşı Roy ilə bərabər tərəfdaşlar kimi “Disney Brothers Cartoon Studio”nu təsis etdilər. Şirkət Royun təklifi ilə tezliklə adını “Walt Disney Studio” olaraq dəyişdirdi.

Uolt Disney, amerikalı sahibkar, animator, səs istedadı və film prodüseri 5 dekabr 1901-ci ildə Çikaqoda kiçik bir ərazidə anadan olub. Uoltun yaradıcılıq istedadı, ailəsi ABŞ-ın Missuri ştatının Marselinə köçdüyü zaman dörd yaşında atının rəsmini çəkməyi xahiş edən bir qəsəbə həkimi tərəfindən alovlandırıldı.

Gənc Uolt dərhal sənətə qərq oldu və qəzetdəki cizgi filmlərini təqlid edərək bacarıqlarını davamlı şəkildə inkişaf etdirdi. Yeddi yaşında Uolt yaxınlıqda yaşayanlara və ailə dostlarına rəsmlər sataraq özünü və ailəsini dəstəkləməyə başladı.

Uolt Disney məktəb illərində xəyalpərəst idi. Müəllimləri onu tez-tez xəyallar qurarkən, heyvanların, təbiətin şəkillərini çəkərkən tapırdılar. Uoltun 10 yaşı olanda, ailəsi Kanzas-Sitiyə köçdü və orada əmisi onun üçün dəmir yolu kənarında qəlyanaltı və qəzet satıcısı kimi iş tapdı. Yayda qatarlarda işləmək Uolt üçün heyranedici idi.

İstirahət mövsümlərində Uolt səhər tezdən 4:30-da oyanıb qardaşı ilə birlikdə qəzet paylamağa gedirdi. Qəzet satışının digər mərhələsi dərsdən sonra həyata keçirilirdi. Yorucu iş tez-tez Uoltu sinifdə yuxuya aparırdı, lakin o, ailəsini dolandırmaq üçün bu işi altı ildən çox davam etdirdi.

Disney bir film prodüseri olaraq, 59 nominasiya arasından 22 Oskar qazanaraq bir şəxs tərəfindən qazanılan ən çox Akademiya Mükafatları rekordunu qoruyur. O, digər mükafatlarla yanaşı, iki Qızıl Qlobus Xüsusi Müvəffəqiyyət Mükafatı və Emmi Mükafatına layiq görülüb. Onun müxtəlif filmləri Konqres Kitabxanası adlı ən qədim federal mədəniyyət qurumu tərəfindən hazırlanmış Milli Film Reyestrinə daxil edilib.

Uolt Disney “Alisa” komediyalarını 1920-ci illərdə Alice (kiçik qız) və Julius (pişik) ilə canlı personaj kimi çəkdi. Disney animasiya biznesində uğur qazandı və dörd il ərzində Osvald Şanslı Dovşan və Mikki Maus kimi məşhur personajları yaratdı. 1927-ci ildə o, bütün cizgi filmləri seriyasına keçmək qərarına gəldi.

Sonrakı bir neçə mövsüm ərzində Disney, “Qar Ağ” və “Yeddi Cırtdan”, “Pinokkio” və “Bambi” kimi cizgi filmləri və bədii filmlərini uğurla istehsal etdi.

Nuray