Mərhum musiqi ulduzu və biznes sahibi Cimmi Baffet bu dünyanı çox uğurlu bir əyləncəli insan və milyarder kimi tərk etdi. 

Valyuta.az xəbər verir ki, cümə günü, sentyabrın birində Baffet 76 yaşında nadir rast gəlinən dəri xərçəngindən vəfat etdi. 

Müğənninin karyerası ərzində 56 albomunun ümumilikdə 20 milyon nüsxəsi satılıb. Bundan başqa bir sıra uğurlu biznes layihələri, o cümlədən restoranlar, pivə sponsorluqları, Florida təqaüd cəmiyyəti, qonaq qarşılama şirkəti və hətta lisenziyalı çətənə markasının satışı ilə də məşğul idi. Forbes onun sərvətini 2023-cü ilin aprelində təxminən bir milyard dollar dəyərində qiymətləndirmişdi. “Barron”da yer alan məlumatlara görə,  musiqiçi “Palm Beach”də, Floridada, Nyu Yorkun Saq Habor şəhərində və Karib dənizindəki St.Barts adasında daşınmaz əmlaka sahib idi. 

“Margaritaville”, “Cheeseburger in Paradise” mahnılarının məşhur müğənnisi, böyük milyarder sayılmasa da, sponsorluq və daşınmaz əmlak investisiyaları vasitəsilə sərvət toplamağa xeyli vaxt sərf edib. Hətta “Latitude Margaritaville Retirement Villages”də  özünün “Margaritaville Hospitality” brendinin adından istifadə edərək 300.000 dollarlıq ev də satıb.

Onun irsi gələcəkdə də adını və brendini qoruyub saxlaya bilər. “The New York Times”ın məlumatıəna görə, “Margaritville Enterprises” şirkətinin rəhbərliyi yaradıcısının vəfatından sonra da onun biznes modelini davam etdirməyə çalışır. Şirkət ABŞ-da 28 restorana sahibdir və lisenziyalaşdırma, françayzinq vasitəsilə hər il 2,2 milyard dollar gəlir əldə edir. Şirkət fərdi françayzinq sahibləri ilə əmlaklara nəzarət edən və buna dair lisenziyalar alan nisbətən yüngül biznes modeli kimi fəaliyyət göstərir. 

Baffet Nyu Yorkun Sag Habor şəhərindəki beş yataq otağı, altı vanna otağı olan 5300 kvadrat metrlik malikanəsində dünyasını dəyişib. 

Elmir