Gənc qalmaq üçün oğlunun qanını öz bədəninə köçürən Brayan Cohnson indi cinsiyyət orqanın cavanlaşdırma terapiyasına başlayıb.

Valyuta.az xəbər verir ki, gənc qalmaq üçün son altı ayda müxtəlif prosedurlara iki milyon dollardan çox pul xərclədiyi deyilən Conson 18 yaşlı bir yeniyetmənin beyin, ürək, ağciyər, qaraciyər, böyrək, vətər, diş, dəri, saç, sidik kisəsi, həmçinin penisinə və düz bağırsağına sahib olmağı hədəfləyib.

Consonun tibbi qrupu əvvəlcə pəhriz və idmana diqqət yetirir. O, həmçinin bitki əsaslı pəhriz və xüsusi nəzərdə tutulmuş idman və yuxu cədvəlinə sadiq qalır. Bundan başqa bir sıra dərmanlar və qida əlavələri qəbul edən milyonçu 17 yaşlı oğlundan özünə qan köçürür. Milyonçu əvvəllər profili, bədən kütləsi indeksi, ümumi sağlamlıq vəziyyəti, pəhriz və qan qrupu əsasında diqqətlə seçdiyi donordan da qan köçürmüşdü. Conson beyin fəaliyyətini izləyə və qeyd edə bilən texnologiyalar hazırlayan “Kernel” şirkətinin yaradıcısıdır. O, həmçinin erkən mərhələdə texnoloji startaplara sərmayə qoyan vençur kapitalı firması “OS Fund”un baş direktorudur.

Sahibkarın hazırda gənc olmaq üçün cinsi aspektlərə diqqət yetirdiyi öyrənilib. O, keçən ay Tvitterdə "Mən penis cavanlaşdırma protokoluna başladım" kimi paylaşım edib. Conson daha sonra həmin prosedur haqqında ətraflı məlumat da verib. Sözügedən prosedurun şok dalğası terapiyasının bir forması olduğunu deyib. Prosesdə qan axınını stimullaşdırmaq üçün penis toxumasına səs dalğaları göndərilir. Aşağı intensivlikli şok dalğa terapiyasının vaskulogenik erektil disfunksiya (penisdə qan axınının azalması) olan insanlar üçün işləyə biləcəyinə dair bəzi sübutlar var. Milyonçu şirkət rəhbəri də bundan istifadə etməyi üstün tutur. Sahibkar prosedurun tətbiqinin məqsədini belə izah edib:

“Biz bunun gecə ereksiyasının ümumi müddətini, cinsi performansı, məmnunluğu və tibbi təsvirə əsaslanan penis markerlərini yaxşılaşdırıb-yaxşılamadığını yoxlayırıq. Terapiya, hətta nəzərdə tutulduğu məqsəd üçün istifadə edildikdə də bəzi çatışmazlıqlara malikdir. Məsələn, prosedur zamanı mənfi təsirlərə penis dərisinin göyərməsi, infeksiya, hematoma, hematuriya, infeksiya və ağrılı ereksiya daxil ola bilər. İnfeksiya və ya ağrı səbəbiylə cinsi əlaqədə çətinlik yaşana bilər”.

Milyonerin bu addımları gənc qalmaq üçün uşaqların qanına ehtiyacı olan vampir və cadugərlərin hekayələrini xatırladır. Lakin 2021-ci ildə siçanlar üzərində aparılan təcrübələr bu üsulun ən azı heyvanlarda işləyə biləcəyini göstərdi. Belə ki, ABŞ-nin Pittsburq Universitetinin alimləri belə nəticəyə gəliblər ki, gənc siçanlardan ötürülən qan sayəsində yaşlı siçanlarda əzələlər, hüceyrələr və toxumalar bərpa olunub. Ancaq bu üsulun insanlarda hansı effektləri verdiyi məlum deyil. Bu səbəbdən ABŞ Qida və Dərman İdarəsi (FDA) 2019-cu ildə gənclərə qanköçürmələrlə bağlı xəbərdarlıq edib. 

Elmir