Messi MLS-də meydana çıxdığı 10 oyunda 11 qol vurmaqla əsl "yadplanetli" olduğunu sübut edərək "İnter Mayami"nin tarixinə düşdü. İndi diqqətimizi biznesin iqtisadi tərəfinə çevirək…

Valyuta.az xəbər verir ki, “İnter Mayami”də var-dövlət baxımından argentinalı superulduzu üstələyən biri var. Bu 2000-ci il təvəllüdlü, Ekvador millisində də oynayan gənc futbolçu Leonardo Kampanadır. O, hələ Avropanın böyük klublarında oynamayıb. Amma sərvətinə görə siyahıda birincidir…

Əslində, Kampana büdcəsi bir milyard avronu aşan zəngin bir ailədən gəlir. Bu sərvətin əsas mənbəyi onun nənəsi, Ekvadorun uğurlu iş qadınlarından biri olan İzabel Noboadır. Leonardonun babası İsidro Kampana, Ekvadordakı məşhur “Guayaquil” stadionunun tikintisinə kömək edib. Kampana peşəkar futbolçu kimi ilk qolunu məhz bu stadionda vurub. Onun ailəsi özəl sahibkarlıq sənayesində uğurlu tarix yazmış, qitənin ən zənginlərindən biridir. Leonardonun atası Pablo Kampana Ekvadorda Xarici Ticarət və İnvestisiya naziri olub, həmçinin peşəkar tennisçi karyerasını bitirdikdən sonra böyük gəlirlər əldə edib. Leonardonun əmisi Alvaro Kampana Cənubi Amerikada tanınmış iş adamıdır. Digər əmi Daniel Noboa isə Ekvadorun prezidentliyinə namizəddir.

Şəxsi sərvət baxımından Kampana həm Kriştiano Ronaldonu, həm də Messini üstələyir. Messinin büdcəsi 500 milyon avro civarında qiymətləndirilirsə, Kampananınkı bir milyardı ötür. Bu qədər var-dövlətə rəğmən, Kampana təvazökardır və Messini (onunla Liqa Kubokunu qazandı) meydanda istinad nöqtəsi olaraq görür.

Elmir