Azərbaycan manhıları da daxil olmaqla müxtəlif milli musiqilərin sədaları altında rəqs edərək sosial şəbəkələrdə məşhurlaşan italyan bloger və milyonçu Alessandro Karuso Bakıya gələcək.

Axşam.az xəbər verir ki, bu haqda fenomen “Moskva-Baku” portalına müsahibəsində deyib. O bildirib ki, səfəri sentyabra gözlənilir.

"Azərbaycanda bu yaxınlarda internet vasitəsilə tanış olduğum dostum var. Məni ölkəsinə o dəvət edib. Bu, xoş bir səfər olacaq" deyə, milyonçu əlavə edib.

Bir milyondan çox izləyicisi olan bloger bu yaxınlarda “Noldu Paşinyan” mahnısına rəqs etməsindən də danışıb. O, sözügedən mahnını Nikol Paşinyanın kim olduğunu bilmədən seçdiyini desə də, Qarabağın Azərbaycan torpağı olduğunu yaxşı bildiyini vurğulayıb:

“Azərbaycan mənim üçün superölkədir, orada gözəl insanlar var. Mən Azərbaycanı sevirəm. Heç mahnıda adı çəkilən Paşinyanı tanımıram. Bilirəm ki, Qarabağ Azərbaycandır”.