"Real" Arda Gülərin transferini açıqladığı paylaşım İnstaqramda bəyənmə rekordları qırıb.

Valyuta.az xəbər verir ki, 2009-cu ildə Kriştiano Ronaldonun "Real"la müqaviləyə imza atmasının 14-cü ildönümündə Arda izlənmə rekordlarını ikiqat artırmağa nail oldu. Ardanın transferinin açıqlandığı gün ulduz futbolçu Kriştiano Ronaldonun "Real"a keçidinin 14-cü ildönümü idi. 

14 il əvvəl Kriştiano ilə bağlı paylaşım 1,9 milyon izlənməyə səbəb olmuşdusa, Gülərin transferinin açıqlanmasından sonra bu rəqəm 4 milyon nəfərə çatdı. Bu da ikiqat artım anlamına gəlir. Bundan əlavə, Ardanın İnstaqramdakı izləyicilərinin sayı  24 saatdan az müddətdə 2,4-dən üç milyon nəfərə çatıb.

2009-cu ildə "Real"ın "Twitter"də Ronaldo ilə bağlı paylaşımı 150 min bəyənmə toplamış və 9,3 milyon insan tərəfindən izlənilçişdi. İspan komandasının Arda ilə bağlı paylaşımı isə 688 min bəyənmə alıb və 53,4 milyon insan tərəfindən izlənilib. 

İspaniya mətbuatının məlumatına görə, Ardanın "Real"da 24 nömrəli formanı geyinəcək. Paytaxt komamndasında hazırda boş olan nömrələr "9" və "24" olaraq göstərilib.

Arda ötən mövsüm "Fənərbağça"nın heyətində 51 rəsmi matçda 9 qol vurub və 12 məhsuldar ötürmə edib.

Elmir