Son vaxtlar PSJ-nin ulduzu Kilyan Mbappenin "Real"a transfer olunacağı haqda xəbərlər dolaşır.

Valyuta.az xəbər verir ki, hətta Madrid təmsilçisinin futbolçu ilə razılğa gəldiyi və yaxın vaxtlarda bu "transfer bombası"nın partlayacağı gözlənilir. Bəs Madrid klubu Mbappe üçün nə qədər pul ğödəməyə hazırdır və PSJ-dən hansı təkliflər gözlənilir?

AS nəşrində yer alan xəbərə görə  "Real" Mbappe üçün 200 milyon avro ödəməyə hazırdır. Yəni, Fransa klubunun məhz bu təkliflə çxış edəcəyinə ümid bəslənilir. 

Mbappenin Paris klubu ilə müqaviləsi 2024-cü ilə qədərdir. Ancaq futbolçu PSJ-dən getmək və ya klubu pulsuz tərk etmək istəmədiyini açıqlayıb. Paris təmsilçisinin prezidenti Nasser Al-Xelafi də Mbappeni pulsuz buraxmaq niyyətində deyil. Ərəb funksioner özü də açıq şəkildə Mbappenin klubu pulsuz tərk etməsinin heç bir yolu olmadığını bildirib. O, 24 yaşlı futbolçunun ya müqaviləsini yeniləməli, ya da bu yay klubu tərk etməli olacağını söyləyib. Mbappenin müqavilə yenilənmək istəmədiyini nəzərə alsaq, indi onun başqa kluba transferi gündəmdədir. Buna baxmayaraq ki, o, gələn il PSJ-yə borclu qalacağı sadiqlik bonusunu almaq üçün mübarizə aparmağı düşünür. İstənilən halda, Mbappe transferə çıxarılarsa, "Real" fransız ulduzunun gedəcəyi ən real klub kimi görünür.

"Los Blancos" artıq illərdir ki, DÇ-2018-in qalibini heyətinə qatmaq niyyətindədir. Keçən il isə buna daha çox yaxınlaşdılar. 2021-ci ildə "Real" Mbappe üçün 150-200 milyon avro civarında pul təklif etmişdi. Ancaq bu yay qiymətin 200 milyondan aşağı olmayacağı bildirilir. 

Digər tərəfdən satışın baş tutması üçün Mbappe də mövqeyini dəyişməli olacaq. Hücumçu bu qərarını 2024-cü ilə qədər gecikdirərsə, klubundan azad agent kimi ayrılmaq riski artacaq ki, bu da onun satışından pul qazanmaq istəyən PSJ üzərində əlavə təzyiq yaradır. Ancaq transfer indi baş tutarsa, "Real" Mbappenin PSJ-də gələn il qazanmalı olan 70 milyon avronu (bonuslar da daxil) da ödəmək məcburiyyətində qalacaq. 

Beləliklə, fransız hücumçu ilə müqavilə imzalamaq üçün madridlilər böyük maliyyə ödəməlidir. Lakin İspaniya mətbuatında "Los Blancos"un buna hazır olduğu və Mbappenin razılaşacağı təqdirdə satılacağı bildirilir.

Elmir