A4 formatlı kağızın bahalaşması çap, surətçıxarma və tərcümə kimi xidmət sahələrində qiymətləri artırıb. Çap işləri ilə məşğul olanlar deyirlər ki, indi kağız ləvazimatlarını əvvəlkindən təxminən 2 dəfə baha alırlar. Ona görə də bazarla ayaqlaşmağa çalışırlar.

Qiymət artımı xüsusilətələbələrin işini çətinə salıb. Çünki surətçıxarma xidmətlərindən ən çox istifadə edənlər məhz onlardır.

Kağız idxalı ilə məşğul olan şirkətlərdən bildirildi ki, belə ləvazimatlar Azərbaycana, əsasən, Rusiyadan idxal olunur. Bahalaşma da məhz orada yaşanan qıtlıqla bağlıdır.(xəzərxəbər)