2021-ci ilin mart ayının 1-nə Azərbaycandakı kredit təşkilatlarında (banklar, BOKT, kredit ittifaqları) əhalinin kreditlərinin həcmi 14 619,5 mln. manat təşkil edib.

Valyuta.az "APA-Economics"-ə istinadən xəbər verir ki, Mərkəzi Bank bununla bağlı hesabat yayıb. 

Hesabata görə, kreditlərin 28,8%-i xarici valyutada olub, bu, aylıq müqayisədə 0,6 faiz bəndi azdır. İllik müqayisədə isə bu göstərici 6,2 faiz bəndi azalıb.

Qeyd edək ki, yanvarın 1-nə kreditlərin dollarlaşması 29,8% təşkil edib. Bu da 2015-ci ilin yanvar ayından bəri ən aşağı göstəricidir. Beləliklə, dollarlaşma ötən ayda altıillik minimumda qalıb. Statistikanın aparıldığı dövrdən (2006-cı ildən bəri) kreditlərin ən yüksək dollarlaşma səviyyəsi isə 2016-cı ilin yanvar ayında qeydə alınıb (51,9%).