Cari ilin fevralın 28-nə qədər Azərbaycanda bank sektorunun öhdəlikləri ümumilikdə 27 milyard 437.7 milyon manat təşkil edib.

Valyuta.az Mərkəzi Bankın yaydığı hesabata istinadən xəbər verir ki, ötən ilin dövründə isə bu öhdəliklər 27 milyard 477.9 manat  olub. 

Burdan da aydın olur ki, bir il ərzində 40 milyon manat və ya 14,5 faiz azalma müşahidə olunub. 

Qeyd edək ki, cari dövrdə olan öhdəliklərin 20 milyard 653.8 milyon manatı ümumi depozitlər (maliyyə institutları istisna olmaqla) təşkil edib. Bunun da  12 milyard 406.3 milyon manatı hüquqi şəxslərin depozitləri (müddətli – 2 milyard 058.2 milyon AZN, tələbli isə – 10 milyard 348.1 milyon AZN), 8 milyard 247.5 milyon manatı isə fiziki şəxslərin depozitləri (müddətli – 4 milyard 784.8 milyon AZN, tələbli isə - 3 milyard 462.7 milyon AZN) olub. 

Öhdəliklərin 965.4 milyon manatı maliyyə institutlarının kreditləri, 2 milyard 106.7 milyon manatı digər maliyyə institutlarının kreditləri, 1 milyard 728.2 milyon manatı banklar tərəfindən buraxılmış qiymətli kağızlar, 1 milyard 342.5 milyon manatı digər passivlər olub. 

Cari dövrdə Mərkəzi Bankın digər banklara qarşı tələbləri 373.6 milyon manat təşkil edib. Ötən ilin mart ayının 31-də isə bu tələblər 350.7 milyon manat olub. Belə aydın olur ki, qeyd edilən dövrdə 22,9 milyonj manat və ya 6,1 faiz artım baş verib. 

Rövşən Ziya