Cari ilin yanvar ayında dövriyyədə olan ödəniş kartlarının sayı 9.6 mln. ədəd təşkil edib

Mərkəzi Bankdan Valyuta.az-a verilən məlumata görə, bankomatların sayı 2779 ədəd, POS-terminalların sayı isə 57344 ədəd təşkil edib. 

2020-ci il ərzində ölkə daxilində ödəniş kartları ilə aparılmış əməliyyatların ümumi həcmi 2019-cu il ilə müqayisədə 26% artaraq 28.1 mlrd. manata çatıb. Ödəniş kartları ilə ölkə daxilində aparılmış nağdsız hesablaşmaların həcmi isə 34% artaraq 6.4 mlrd. manat olub. 

Ölkədə elektron ticarət vasitəsilə aparılan əməliyyatların sayı 2019-cu il ilə müqayisədə 55% artaraq 68.7 mln. ədəd, həcmi isə 22% artaraq 3.9 mlrd. manat olub.

Hesabat dövründə təmassız ödəniş infrastrukturu üzrə göstəricilərdə müsbət dinamika müşahidə olunub.. 

Dövriyyədə olan təmassız ödəniş kartlarının sayı 2019-cu il ilə müqayisədə 2.5 dəfə artaraq 3.7 mln. ədəd, təmassız ödənişləri qəbul edən POS-terminalların sayı isə 13% artaraq 34.2 min ədəd təşkil edib. 

Rövşən Ziya