2021-ci ilin birinci rübündə Hesablama Palatasının saxlanması xərcləri 1 milyon 693,413 min manat təşkil edib. 

HP-dan Valyuta.az-a verilən məlumata görə, 2021-ci il üçün qurumun saxlanması məqsədilə xərclər smetası 9 milyon 151,969 min manat səviyyəsində təsdiqlənib. Beləliklə, hesabat dövründə vəsaitlərin 18,5%-i istifadə olunub.

Yanvar-mart aylarında vəsaitlərin əsas həcmi Palatanın ştatda olan işçilərinin əmək haqlarının ödənilməsinə yönəldilib. Bu məbləğ 1 milyon 132 min manat və ya birinci rüb ərzində Palatanın bütün xərclərinin 66,9%-ni təşkil edib.

Bundan başqa, hesabat dövründə Dövlət Sosial Müdafiə Fonduna ayırmalar 280,814 min manat, əmək haqqının ödənilməsi ilə bağlı xərclər 128,85 min manat, ölkədaxili ezamiyyə xərcləri 1 milyon 168 min manat təşkil edib.

Qalan xərclər digər məqsədlərə yönəldilib.