Cari ilin mart ayında Azərbaycanda ipoteka krediti üzrə maliyyə resurslarının dinamikası açıqlanıb. 

Valyuta.az Mərkəzi Bankın yaydığı hesabata əsasən apardığı hesablamalara görə, bu dövrdə vətəndaşlara verilən ipoteka kreditlərinin ümumi həcmi 57.9 milyon manat olub.

Bu vəsaitin 39,8 milyon manatı banklar tərəfindən, 18.1 milyon manatı isə Azərbaycan İpoteka və Kredit Zəmanəti Fondu (AİKZF) tərəfindən təqdim edilib.  

AİKZF-in yerləşdirilmiş istiqrazlarının həcmi isə 55.0 milyon manat təşkil edib.

Qeyd edək ki, mart ayında vətəndaşlara verilən ipoteka kreditlərinin ümumi həcmində ötən dövrlə müqayisədə 11,9 milyon manat və ya 29,9 faiz artım baş verib. Belə ki, 2020-ci ilin mart ayında banklar tərəfindən vətəndaşlara 27.9 milyon manat ipoteka krediti ayrılıb. 

AİKZF) tərəfindən təqdim edilə ipoteka kreditlərinin həcmində isə çox ciddi azalma baş verib. Yəni, bu dövrdə qurum tərəfindən ayrılan ipotekanın 2,7 milyon manat olub ki, bu da birdən-birə 15,4 milyon manat və ya 15 faizlik artım deməkdir. 

Diqqətə çatdıraq ki, ötən ilin analoji dövründə AİKZF yerləşdirilmiş istiqrazlarının həcmi ilə bağlı heç bir məlumat yoxdur. Burdan da aydın olur ki, bu dövrdə qurum tərəfindən istiqraz yerləşdirilməsi baş verməyib.

Rövşən Ziya