Azərbaycan Mərkəzi Bankı (AMB) bu gün Dövlət Neft Fondunun iştirakı ilə keçirdiyi valyuta hərracında banklara $31 milyon satıb.

Valyuta.az “İnterfaks-Azərbaycan” agentliyinə istinadən xəbər verir ki, aprelin 15-də keçirilən hərracda banklara $53,8 milyon məbləğində xarici valyuta satılmışdı.

“Hərracda tələb $31 milyon təşkil edib və tam təmin edilib. Hərracda manatın ortaçəkili məzənnəsi 1,7 manat səviyyəsində formalaşıb”, - deyə AMB-dən bildirilib.

AMB 2017-ci il yanvarın 12-dən etibarən yeni formatda hərrac mexanizminin tətbiqinə başlayıb.

Hərrac birtərəfli valyuta satışı formasında və rəqabətli qaydada keçirilir.