2020-ci ildə müsabiqə əsasında keçirilmiş satınalmalar zamanı ehtimal olunan qiymətlə müqayisədə 8,03% dövlət vəsaitinə qənaət olunub. Bu, 2019-cu illə müqayisədə 12,8% çoxdur.

Valyuta.az xəbər verir ki, bu sözləri İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəis vəzifəsini müvəqqəti icra edən Sahib Məmmədov, Satınalma prosedurları: rəqabətlilik və səmərəliliyin təmin edilməsi” mövzusunda baş tutan onlayn görüşdə səsləndirib

Onun sözlərinə görə, həyata keçirilmiş 230 tenderdə və 1061 kotirovka sorğusunda aşkar olunmuş qanun pozuntuları səbəbindən nəticələri Antiinhisar və İstehlak Bazarına Nəzarət Dövlət Xidməti tərəfindən ləğv edilib.

O, bildirib ki, son illər dövlət satınalmaları sahəsində aparılan təkmilləşdirmələr, “Dövlət satınalmalarının vahid elektron portalı”nın yaradılması, açıq tenderin elektron satınalma vasitəsi ilə həyata keçirilməsi, dövlət satınalmaları sahəsində şəffaflığın və rəqabətliliyin artırılması, mikro, kiçik və orta sahibkarlıq subyektlərinin satınalmalarda fəal iştirakına zəmin yaradıb.

Görüşdə satınalan təşkilatların nümayəndələri ilə müzakirələr aparılıb, onları maraqlandıran suallar cavablandırılıb.