Cari ilin 7 ayı ərzində Azərbaycan Avropa İttifaqı ölkələri arasında ən çox İtaliya ilə idxal-ixrac əməliyyatı həyata keçirib. 

Valyuta.az xəbər verir ki, Dövlət Gömrük Komitəsinin yaydığı aylıq “Azərbaycan Respublikası xarici ticarətinin gömrük statistikası”nda əks olunub. 

Sənədə əsasən, hesabat dövründə bu ölkə ilə aparılan əməliyyatların ümumi həcmi 4 milyard 628 milyon 952,63 min ABŞ dolları həcmində olub. 

Ötən ilin müvafiq dövründə isə bu həcm 3 milyard 179 milyon 953,28 min ABŞ dolları təşkil edib. Belə aydın olur ki, idxal-xrac əməliyyatlarında 1 il ərzində 1 milyard 448 milyon 999,35 min ABŞ dolları və ya 31,3 faiz artım baş verib.   

Qeyd edək ki, Azərbaycanın ən çox ticarət əməliyyatları həyata keçirdiyi Aİ ölkələri sırasında İspaniya (514 milyon 450.48 min), Xorvatiya (497 milyon 402.54 min ABŞ dolları), Portuqaliya (307 milyon 916.77 min ABŞ dolları), Almaniya (137 milyon 678.57 min ABŞ dolları), Çexiya (62 milyon 834.15 min ABŞ dolları) və digər ölkələr üstünlük təşkil edir.

Rövşən Ziya