2021-ci ilin yanvar-mart aylarında Gəncə şəhərində pərakəndə ticarət dövriyyəsi açıqlanıb.

Valyuta.az Gəncə Şəhər Statistika İdarəsinin yaydığı hesabata istinadən bildirir ki, 2021-ci ilin yanvar-mart aylarında Gəncə şəhərinin pərakəndə ticarət şəbəkəsində istehlakcılara 280 milyon 298,8 min manatlıq, o cümlədən 179 milyon 847,2 min manatlıq ərzaq məhsulları, içkilər və tutun məmulatları,100 milyon 451,6 min manatlıq qeyri-ərzaq malları satılıb. 

2020-ci ilin yanvar-mart ayları ilə müqayisədə pərakəndə ticarət dövriyyəsi real ifadədə 0,4 faiz, o cümlədən ərzaq məhsulları, içkilər və tutun məmulatları üzrə 0,1 faiz, qeyri-ərzaq malları üzrə isə 0,5 faiz artıb. Cari ilin yanvar-mart aylarında istehlak mallarının dəyər ifadəsində 16,7 faizi ticarət müəssisələri, 60,8 faizi fərdi sahibkarlar tərəfindən, 22,5 faizi isə bazar və yarmarkalarda satılıb.

Ötən ilin yanvar-mart ayları ilə müqayisədə pərakəndə ticarət dövriyyəsi real ifadədə müəssisələr üzrə 1,9 dəfə, fərdi sahibkarlar üzrə 4,1 faiz, bazar və yarmarkalarda isə 18,5 faiz azalıb.

Hesabat dövründə ticarət şəbəkəsindən hər bir şəhər sakini orta hesabla ayda 261,7 manatlıq istehlak malları, o cümlədən 167,9 manatlıq ərzaq məhsulları, içkilər və tutun məmulatları,  93,8 manatlıq qeyri-ərzaq malları alıb.