Türkiyənin beşinci ən böyük bankı olan "Garanti BBVA" kripto ticarət xidmətini təklif etməyə hazırlaşır. 

Valyuta.az xəbər verir ki, Türkiyədən "Garanti BBVA" tərəfindən idarə olunan kriptovalyuta platforması olan "Garanti BBVA Kripto" ənənəvi bankçılıq və rəqəmsal aktivlərin inteqrasiyasında mühüm bir addım ataraq kriptovalyuta ticarəti xidmətlərini ictimaiyyətə təqdim etməyə hazırlaşır.

"Garanti BBVA" kripto ticarət xidmətləri təklif etməklə Avropa Bankları tərəfindən daha geniş şəkildə qəbul ediləcəyini xəbər verir. 

Bu inkişaf "Kripto-Aktiv Bazarları"nın (MiCA) tənzimləməsi Avropa İttifaqında tam qüvvəyə mindiyi üçün Avropa maliyyə institutları arasında kriptovalyuta xidmətlərinin getdikcə genişlənməsini vurğulayır.

"BBVA"nın Kripto Hədəfləri

İspan bank nəhəngi "Banco Bilbao Vizcaya Argentaria" (BBVA) şirkətinə məxsus Türkiyənin beşinci ən böyük bankı olan "Garanti BBVA" əməliyyatların icrası mərkəzi kimi xidmət etmək üçün İspaniya kriptovalyutası "Bit2Me" ilə əməkdaşlıq edib. 

Kriptovalyuta ticarəti xidmətləri 2024-cü ilin əvvəlindən pilot mərhələdə təklif edilsə də, bu xidmətlərin ictimailəşdirilməsi istiqamətində atılan addım "BBVA"nın daha geniş kriptovalyuta strategiyasını əks etdirir.

2023-cü ildə 857 milyard dollar aktivə malik olan "BBVA" kriptovalyuta sənayesi üçün yeni deyil. Bank Türkiyənin nisbətən əlverişli tənzimləmə mühitindən istifadə edərək təkliflərini genişləndirməzdən əvvəl sınaqdan keçirdi.

İndi "MiCA" +nın mövcud olması ilə "BBVA" və digər Avropa bankları Aİ müştərilərinə "Bitcoin" (BTC), "Ethereum" (ETH) və digər kriptovalyutalarla bağlı xidmətlər təklif etmək üçün yerli tənzimləmə təsdiqini ala bilərlər.

Avropa Bankçılığında daha geniş bir tendensiya

"Bit2Me" +nin Satış Direktoru Abel Peñaya görə, "BBVA"nın bu addımı daha böyük bir tendensiyanın bir hissəsidir: "2025-ci ildə biz Avropada bir çox bankın öz istifadəçilərinə kriptovalyuta ticarəti təklif etdiyini görəcəyik". 

O qeyd edib ki, "Bit2Me" dünya üzrə 50-dən çox maliyyə qurumu ilə danışıqlar aparır və onların əksəriyyətinin 2025-ci ilin əvvəlində kriptovalyuta xidmətlərini işə salacağı gözlənilir.

Əvəz Həsənov