2025-ci ilə yaxınlaşdıqca kriptovalyuta dünyası "Bitcoin"in gələcəyi ilə bağlı yenə cəsarətli proqnozlarla doludur. Keti Vud, Mayk Novoqratz və Maykl Seylor kimi tanınmış sənaye nümayəndələri tez-tez öz proqnozları ilə gündəmə gəlirlər. Bəs onların 2024-cü il proqnozları özünü nə qədər doğruldub?

Valyuta.az xəbər verir ki, burada bəzi əsas proqnozlara və onların reallıqla necə uyğunlaşdığına baxmaq lazımdır.

Kriptovalyuta liderləri nadir hallarda pessimist olsalar da, bəziləri "Bitcoin"in 2024-cü ilin proqnozları ilə bağlı daha ehtiyatlı yanaşırdılar. "BitMEX"in həmtəsisçisi və Maelstrom Fondunun rəhbəri Artur Hayes, 2023-cü ilin sonunda "Bitcoin"in 2024-cü ilin sonuna qədər təxminən 70.000 dollara qalxacağını proqnozlaşdırmışdı. "VanEck" və "Bitwise" analitikləri isə "Bitcoin"in tarixdə ən yüksək səviyyəyə çatacağını, amma konkret rəqəmlərə əsaslanmadan gözlədiklərini bildirmişdilər.

2024-cü ilin dördüncü rübündə "Bitcoin" ilk dəfə 100.000 dollar həddini keçərək, əvvəlki ən yüksək səviyyəni aşıb. Hayes, bu yüksəlişi ehtiyatla qiymətləndirsə də, "Bitcoin"in 2026-cı ilə qədər 750.000-1 milyon dollara çatacağını proqnozlaşdırmışdı.

Bəzi analitiklər isə daha iddialı və konkret rəqəmlərə əsaslanan proqnozlar veriblər.

Tim Draper "Bitcoin"in sürətli artımını uzun müddətdir müdafiə edir. 2018-ci ildə o, "Bitcoin"in 2022-ci ilə qədər 250.000 dollara çatacağını iddia etmişdi. Bu baş vermədikdə, o, "Bitcoin" spot ETF-lərinin istifadəyə verilməsindən sonra 2023 və 2024-cü illərə qədər proqnozunu yenilədi. Noyabr ayında Draper 2024-cü ilin dekabrına qədər "Bitcoin"in qiymətinin 120.000 dollara çatacağını açıqlayıb.

"Matrixport" və "Standard Chartered" analitikləri də il ərzində proqnozlarını dəyişiblər. Hər ikisi "Bitcoin" qiymətinin 125.000 dollar olacağını əvvəl proqnozlaşdırmışdı, lakin sonradan daha mühafizəkar bir qiymətləndirməyə getmişdilər.

Əvəz Həsənov