"Bitcoin"in qiyməti 94,000 dolları ötərək yeni tarixi rekorda imza atıb. 

Valyuta.Az "Binance"a istinadən xəbər verir ki,  94,008 dollara yüksələrək 1.78%-lik artım göstərib. Daha sonra 94,302 dollara (+2.4%) qədər qalxaraq artım tempini davam etdirib.  

Mütəxəssislər, Bitcoin-in 100,000 dollar həddini keçərək daha yüksək zirvələrə, hətta 300,000 dollara qədər yüksələ biləcəyini proqnozlaşdırır.  

Bitcoin, blokçeyn texnologiyasına əsaslanan mərkəzləşdirilməmiş bir sistemdir. İstifadəçilər tərəfindən "mining" prosesi ilə əldə edilə bilən bu kriptovalyuta, ilk dəfə 2008-ci ilin noyabrında Satoşi Nakamoto təxəllüsü ilə təqdim edilib. Nakamoto-nun şəxsiyyəti hələ də sirr olaraq qalır.  

Rəhim