“Azəripək”in ixrac gəlirləri 1 milyon dollardan çox azalıb
Bu ilin yanvar-noyabr aylarında “Azəripək" Məhdud Məsuliyyətli Cəmiyyəti ixracdan 588 min ABŞ dolları gəlir əldə edib.
Valyuta.az bu barədə İqtisadi İslahatların Təhlili və Kommunikasiya Mərkəzinin (İİTKM) “İxrac İcmalı”nın dekabr buraxılışına istinadən xəbər verir.
Bu ilin yanvar-noyabr aylarında ixrac əməliyyatlarından əldə olunan gəlir ötən ilin eyni dövrü ilə müqayisədə 1 milyon 112 min ABŞ dolları və ya 2,9 dəfə azdır. 2023-cü ilin eyni dövründə “Azəripək" MMC-nin ixrac gəlirləri 1 milyon 700 min ABŞ dolları olub.
“AZAL”ın gəlirləri 3,8 milyon dollar azalıb.
Bu ilin hesabat dövründə “Azərbaycan Hava Yolları" Qapalı Səhmdar Cəmiyyətinin (AZAL) ixrac gəlirləri 14 milyon 600 min ABŞ dolları həcmində olub.
Bu ilin yanvar-noyabr aylarında əldə olunan ixrac gəlirləri ötən ilin eyni dövrü ilə müqayisədə 3 milyon 800 min ABŞ dolları və ya 20,6% azdır.
2023-cü ilin ilk 11 ayında “Azərbaycan Hava Yolları" QSC-nin ixrac gəlirlərinin həcmi 18 milyon 400 min ABŞ dolları olub.
Əvəz Həsənov
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay
