İsrailin uzun müddətdir Qəzza bölgəsini işğal etməsi və həyata keçirdiyi əməliyyatlara qarşı dünya miqyasında reaksiyalar davam edir. 

Valyuta.Az xəbər verir ki, bir çox ölkədə insanlar müharibənin dayandırılması üçün küçələrə çıxır, İsraili dəstəkləyən markalar isə boykot edilir.  

Sosial mediada sürətlə yayılan boykot çağırışları istehlakçıların seçimlərinə təsir göstərir və iri şirkətlərin iqtisadi itkilər yaşamasına səbəb olur.  

Boykotların təsiri rəqəmlərdə əks olunur

Məşhur qəhvə zənciri "Starbucks" 2024-cü maliyyə ilini qlobal satışlarda 2 %-lik azalma ilə tamamlayıb. Şirkətin mağaza satışları Şimali Amerika və ABŞ-da 2 %, beynəlxalq bazarlarda 4 %, Çində isə 8 % azalıb.  

"McDonald's"ın gəlirləri azalıb, "KFC" 108 filialını bağlayıb
 
İsrailin əməliyyatlarını dəstəklədiyi üçün tənqid edilən "McDonald's" da boykotlardan təsirlənib. Şirkətin qlobal satışları 2024-cü ilin III rübündə 1,5 % azalma göstərib və ardıcıl iki rüb ərzində geriləmə qeydə alınıb.  

"McDonald's"ın xalis gəliri isə 2024-cü ilin III rübündə 3 % azalaraq 2,26 milyard dollara düşüb. Ötən ilin eyni dövründə isə bu rəqəm 2,32 milyard dollar idi. Şirkətin hər səhm üzrə gəliri də 2023-cü ilin III rübündə 3,17 dollar olduğu halda, 2024-cü ildə 3,13 dollara enib.  

Boykotun təsirləri "KFC"dən də yan keçməyib. Malayziyada, İsrailin Qəzzaya hücumlarına etiraz və Fələstin xalqına dəstək məqsədilə həyata keçirilən boykot kampaniyasından sonra "KFC" 108 filialını müvəqqəti olaraq bağlayıb.  

Rəhim