“Fintech" şirkəti “Finix” 75 milyon dollar investisiya alıb. Şirkətin 75 milyon dollarlıq “Series C” investisiya raunduna “Acrew Capital”, “Leap Global” və “Lightspeed Venture Partners” birgə rəhbərlik edib.

Valyuta.az-ın məlumatına görə, 2015-ci ildə qurulan şirkət indiyə qədər 208 milyon dollarlıq investisiya alıb. ABŞ-da yerləşən şirkət yeni investisiyadan komandasını beynəlxalq miqyasda genişlənmək və yeni məhsullar hazırlamaq üçün istifadə etməyi planlaşdırır.

2015-ci ildə Richie Serna və Sean Donovan tərəfindən qurulan Finix birbaşa ödəniş emalı xidmətləri təklif edən ödəniş şirkəti kimi seçilir. 

Əvvəlcə müəssisələrə daxili ödəniş sistemlərinin qurulmasına kömək edən “Finix” indi “Stripe” kimi birbaşa ödənişləri idarə edir. Şirkət xüsusi həllər təklif edərək developer resurslarına malik olmayan kiçik və orta bizneslərin ödəniş proseslərini asanlaşdırmağı hədəfləyir.

“Finix” keçən il 12 mindən çox müəssisəyə xidmət göstərirdi. Bu rəqəm 2024-cü ildə 24 minə yüksəlib. “Finix” daha geniş müştəri bazasına çatmaqla ödəniş sənayesində rəqabəti artırmaq və mövcud sistemləri modernləşdirmək məqsədi daşıyır.

Əvəz Həsənov

HƏMÇİNİN BAX:

Sağlamlıq startapı “Alpha-9 Oncology” 175 milyon dollar investisiya alıb

Sağlamlığla bağlı süni intellekt platforması 51,5 milyon dollar investisiya aldı