Latviyanın milli aviadaşıyıcısı - "AirBaltic" şirkəti iyunun 2-dən Riqa-Bakı-Riqa reyslərini bərpa edəcək.

“Report” xarici mətbuata istinadən xəbər verir ki, bunu Latviyanın nəqliyyat naziri Talis Linkaits Azərbaycanın Latviyadakı səfiri Cavanşir Axundovla görüşdə deyib.

Onun sözlərinə görə, uçuşlar həftədə iki dəfə olacaq.

"Aviareyslərin bərpası hər iki ölkənin maraqlarına uyğundur. Koronavirus (COVID-19) pandemiyasından əvvəl bu uçuşlar uğurla həyata keçirilirdi. Latviya həm Azərbaycanla, həm də bütün Avrasiya materiki boyunca karqo daşımalarında da böyük potensial görür", - nazir qeyd edib.