Zabrat qəsəbəsində dəmir yolu ilə avtomobil yolunan kəsişdiyi yerdə yeni tunel inşa edilərək istifadəyə verilib.

"Azərbaycan Dəmir Yolları" QSC-dən verilən məlumata görə, sözügedən tunel Oktyabr küçəsi ilə Musa Bayramov küçələrinin kəsişməsində yerləşir.

Ümumilikdə indiyədək Abşeron Dairəvi dəmir yolu boyunca 12 yerdə avtomobil yolları ilə dəmir yollarının eynisəviyyəli kəsişmələri ləğv edilib. Həmin ərazilərdə avtomobil keçidləri inşa olunub.

Qeyd edək ki, tikinti işlərinə 2019-cu ilin avqustundan başlanılan Zabrat avtomobil keçidinin eni 8 metr, hündürlüyü 5 metr, ümumi uzunluğu isə 227 metrdir. Qapalı hissənin uzunluğu 30 metr, açıq hissənin uzunluğu 197 metr təşkil edir. Keçiddə iki istinad divarı inşa olunub. 900 paqonmetr yeni avtomobil yolu çəkilib. Yağış və qrunt sularının kənarlaşdırılması üçün nasosxana tikilib, 5 ədəd nasos quraşdırılıb.