İslandiyada Mammoth adlı zavod istifadəyə verilib. Bu, havadakı CO2 qazının filtrasiyası üçün nəzərdə tutulmuş ən böyük sənaye zavodudur. Sözügedən zavodun hazırlanması ilə Climeworks şirkəti məşğul olub. Bu şirkətin xidmətlərindən JPMorgan Chase, Microsoft, Stripe və Shopify kimi nəhənglər faydalanırlar. Bu zavodun havadakı CO2 qazını filtrasiyası prosesi “Havanın birbaşa udulması” (DAC) adlanır. Climeworks şirkətinin sözlərinə əsasən bu texnologiya atmosferdə yığılmış tullantılardan parnik qazlarının aradan qaldırılması hesabına iqlim dəyişikliyi ilə mübarizə mövzusunda açar rol oynaya bilər. Texnologiyanın çalışma prinsipi olduqca sadədir. Hava CO2 qazını uda bilən xüsusi filtrdən keçir.

     Filtr CO2 qazı ilə dolandan sonra o, 100 dərəcə Selsi temperatura qədər qızdırılır. Bu, CO2 qazının ayrılması üçün edilir. CO2 qazının təkrar şəkildə atmosferə sızmasının qarşısını almaq üçün isə zavod onu bazalt qaya birləşmələrində bir növ möhürləyir. Daha sonra CO2 su ilə qarışdırılır və torpağın altında basdırılır. Torpağın altında isə o, sərt süxura çevrilir. Ümumilikdə daha bir ədəd belə zavodun inşa edilməsi planlaşdırılır. Hər iki zavod il ərzində minimum 1 milyon metr ton CO2-ni emal edə biləcək. Hal-hazırda Mammoth adlı zavod özündə CO2 emalı üçün nəzərdə tutulmuş 12 ədəd konteyner modulunu birləşdirir. Bu ilin sonuna kimi isə əlavə 60 ədəd konteyner modulun istifadəyə verilməsi nəzərdə tutulub.

© technote.az