“Azərbaycan Rəqəmsal İnkişaf və Nəqliyyat Nazirliyinin Nəqliyyat siyasəti şöbəsinin müdiri Fariz Əliyəv "Azərbaycan-Çin münasibətlərinin yenidən qiymətləndirilməsi: İrəliyə doğru yol" mövzusunda keçirilən tədbirdə bildirib ki, Çindən Azərbaycana gətirilən 160 ədəd elektrik avtobus xəttə buraxılacaq”.

Bu avtobusların yerli ictimai nəqliyyatda effektivliyi necə olacaq? 

Bununla bağlı Valyuta.az-a danışan nəqliyyat məsələləri üzrə ekspert Aslan Əsədov bildirib ki, hazırda elektrobusların tramvay və trolleybusolara bir alternativ kimi təqdim edirlər:

“Düşünülür ki, elektrobuslar ekonumdur, əlavə xərc tələb etmir və s. Amma  bu avtobusların da özlərinə məxsus problemləri var. Məsələn, ehtiyyat hissələri xarici ölkələrdən alınmalıdır. Lakin ehtiyyat hissələri baha başa gəlir. Bundan əlavə həmin avtobusların dioqnastikası, usta işləri, təmirinə aid məslələr çox çətin və bahalıdır”. 

Elektrobusların istismarı haqqında da danışan ekspert bildirib ki, onlardan istifaədnin bir neçə üstünlüyü var:

 “Bu avtobuslar təbiətə tullantı qazlar ixrac etmir. Yanacaq sərfiyyatı yoxdur. Bütün bunları nəzərə alaraq o avtobuslardan istifadə cəlbedici görünə bilər. Amma elektroavtobuslar uzun istismara hesablanmır.  Mütləqdir ki, bir neçə dəfə əsaslı cari təmirlərə ehtiyac olsun.  Əgər bu olmazsa, həmin avtobuslar sıradan çıxacaq. Sahibkar da belə avtobusları ölkəyə bir, iki dəfə gətirəcək, lakin sonra səmərəsi olmadığını görüb vaz keçəcək”. 

Həmin avtobusların istismara veriləcəyi ərazilər haqqında da danışan Aslan Əsədov bildirib ki, ictimai nəqliyyatla bağlı adətən yenilik şəhərin mərkəzi hissələrinə tətbiq edilir, sonra yaxın ərazilərə, daha sonra isə Bakıətrafı ərazilərə aid edilir:

“Amma inanmıram ki, bu avtobusların sayı artırılsın, bu proses Bakıətrafı ərazilərə də sıçrasın. Onu da qeyd edim ki, Bakıətrafı ərazilərin bir-biri ilə əlaqəsi də hələki köhnə, istismar müddəti bitmiş avtobuslarla keçirilir. Onlar müasir tələblərə cavab verən avtobuslarla təmin olunmayıb. Ona görə də bu gətirilən avtobusların fəaliyyəəti şəhərin mərkəzi üçün nəzərdə tutulacaq. Lakin bu avtobusların istismar prosesi necə aparılacaq, aparılacaqsa sərf edəcəkmi və s. məsələlər haqqında nəsə demək çətindir”. 

Davud