Krım Türkiyəyə Krım və Türkiyə limanları arasında ticarət dəniz nəqliyyatını bərpa etməyi təklif edib.

Valyuta.az xəbər verir ki, bu barədə Krım Respublikasının Rusiya Federasiyası Prezidenti yanında daimi nümayəndəsi və Krım hökumətinin baş nazirinin müavini Georgi Muradov RİA Novosti-yə bildirib. 

“Türkiyə ölkəmizlə dəniz nəqliyyatı məsələlərini, o cümlədən taxıl müqaviləsini və üçüncü ölkələrdən paralel mal idxalını çox israrla müzakirə edir”, - o deyib.

Onun sözlərinə görə, Krım üçün xüsusilə vacibdir ki, gündəliyə hər iki tərəf üçün məqbul olan sxem üzrə dəniz ticarətinin və sərnişin daşımalarının bərpası məsələsi də daxil edilsin. Krımın işgüzar dairələri belə bir sxem üzrə Türkiyə ilə danışıqlara hazırdır. 

Muradov əlavə edib ki, gələcəkdə Suriya limanları ilə müntəzəm kommersiya gəmiçiliyi də yaradılacaq.

Krım və Türkiyə arasında bərə əlaqəsi 2017-ci ildə heç bir danışıqlar aparılmadan dayandırılıb.

Bundan əvvəl Türkiyənin nəqliyyat naziri Əbdülkadir Uraloğlu Ukraynanın infrastruktur naziri ilə görüşdə Türkiyənin Krım limanlarından ölkəyə gələn gəmilərə qarşı sanksiyalar tətbiq etdiyini bildirib.

Nicat