Bakının Nərimanov rayonunda yeni pullu parklanma sahəsi yaradılıb. 

Valyuta.Az xəbər verir ki, hazırda Əhməd Rəcəbli küçəsi və ona bitişik ərazilərdə ödənişli parklanma yerlərinin təşkili ilə bağlı işlər mərhələli qaydada həyata keçirilir. Bu ərazi əsasən biznes mərkəzi kimi tanınır və burada çoxsaylı ofislər, şirkətlər yerləşir.

Yol nişanları və məlumat lövhələrinin quraşdırıldığı ərazilərdə artıq xidmət aktivdir. Sürücülər mobil tətbiq və SMS vasitəsilə parklanmaya görə ödənişlərini edə bilirlər. 

Xatırladaq ki, parklanmaya olan tələbatdan asılı olaraq Bakı şəhərinin müəyyən hissələri Mərkəz, 1-ci, 2-ci, 3-cü və 4-cü zonalara bölünüb. 

İnfrastruktur təşkil edilməyən ərazilərdə isə parklanmaya görə sürücülərdən pul tələbi qanunsuzdur. 

© Referans.az