"Füzuli şəhərində məskunlaşma zamanı məşğulluğun təmin edilməsi əsas prioritetlərdən biri olacaq".

Bunu Valyuta.az-a açıqlamasında Milli Məclisin deputatı Vüqar Bayramov yaxın günlərdə Füzuli rayonuna köçürüləcək 267 ailənin və ya 1300-ə yaxın vətəndaşıın məskunlaşmasından danışarkən deyib. 

Onun sözlərinə görə, bütövlükdə məskunlaşan vətəndaşların işlə təmin olunması ən vacib məsələlərdəndir: 

“Füzuli şəhərində məskunlaşacaq vətəndaşlarımızın da həm dövlət, həm də özəl sektorda işlə təmin olunması nəzərdə tutulur. Bir tərəfdən şəhərdə həm sosial xidmətlər, eləcə də təhsil və səhiyyə müəssisələri fəaliyyət göstərəcək. Digər tərəfdən artıq sənaye müəssisələrinin yaradılması istqamətində işlər gedir”.

Deputat həmçinin əlavə edib ki, emaledici aqrar müəssisələrinin yaradılması ilə bağlı işlər də intensivləşib.

Aylin