"Azərbaycan texnologiya sahəsində son 10 ildə regionda bir sıra ilklərə imza atsa da, sürətlə yenilənən texnologiya sənayesində hələlik aparıcı qüvvələrdən biri ola bilməyib". 

Bunu Valyuta.az-a açıqlamasında, İKT mütəxəssisi Elvin Abbasov bildirib. 

Onun sözlərinə görə, Cənubi Qafqazda ilk və yeganə peyk operatoru olan "Azərkosmos"un telekommunikasiya və coğrafi kəşfiyyat sahələrində peyk xidmətlərinə malik olması, bu regionda texnologiya sahəsində ən büyük uğurumuz hesab oluna bilər:

"II Qarabağ müharibəsində V nəsil müharibə silahlarından istifadə olunması, İnformasiya Kommunikasiya Texnologiyaları istiqamətində aparılan işlər Azərbaycan adını regionda və dünyada texnologiya sahəsində potensial ölkə olduğunu bildirən bariz göstəricidir".