"İlon Mask", "H-1B" vizası proqramlarını dəstəkləyərək ABŞ-ın sağ qanad siyasətində yeni mübahisələrə səbəb olub. Bu vizalar ABŞ şirkətlərinə xarici mütəxəssisləri işə götürməyə imkan verir. Maskın, amerikalıların İT sektorunda işləmək üçün kifayət qədər ağıllı olmadıqları fikrinə razılıq verməsi, immiqrasiyaya qarşı çıxan millətçi sağçıların tənqidləri ilə qarşılanıb. 

Valyuta.Az xəəbr verir ki, bu barədə "Gizmodo" nəşri məlumat yayıb.  

Maskı tənqid edənlər arasında keçmiş Donald Tramp tərəfdarları, məsələn, Lora Lumer (Laura Loomer) və Ouen Şroyer (Owen Shroyer) də var. Bu tənqidlər nəticəsində Lumer, Şroyer, Qavin Vaks (Gavin Wax) və "ConservativeOG" adlı siyasi komitənin hesabları "X" platformasında ("Twitter") təsdiq işarəsini itirib. Təsdiqlərin ləğvi, pullu abunəçilərdən gəlir əldə edən bu istifadəçilərin maliyyə itkilərinə səbəb ola bilər. Güman edilir ki, bu dəyişiklik "ConservativeOG" təşkilatı ilə əlaqələri səbəbindən baş verib. Qeyd edək ki, bu təşkilat da öz statusunu itirib. Hazırda Lumer, Trampın müşavirini yalan ittiham etməkdə günahlandırıldığı üçün "Twitter"dən bloklanıb.  

İmmiqrasiya mübahisələrindən əlavə, Mask "X" platformasının alqoritmində dəyişikliklər edib. Yeni alqoritm təsdiqlənmiş hesablar tərəfindən bloklanan istifadəçilərin paylaşımlarının reytinqini azaldır. Bu dəyişiklik də sağçı istifadəçilər arasında narazılıq yaradıb. Nəticədə, Mask ilə millətçi sağçılar arasındakı qarşıdurma daha da kəskinləşib və Maskın mübahisədən uzaqlaşmaq cəhdləri uğursuz olub.  

Rəhim