"Nvidia" ("NVDA") səhmləri, bazarda artan təzyiqlər fonunda keçən həftə çətinliklər yaşasa da, bu gün yenidən yüksəliş nümayiş etdirib.  

Valyuta.Az "Yahoo Finance"a xəbər verir ki, Dekabr ayı ərzində "NVDA"nın əsasən eniş göstərməsi ilə ekspertlər, digər çip istehsalçılarının artan rəqabəti və süni intellekt sahəsinə yatırımların azalması ehtimalını "Nvidia"nın korrektiv dövrə girməsinin əsas səbəbləri kimi vurğulayır.  

Bu günki artıma baxmayaraq, şirkət ilin əvvəlindən bəri əhəmiyyətli inkişaf əldə etsə də, ay ərzində təxminən 3% enişdədir ki, bu da ilin zəif sonlanmasına işarə edə bilər.  

Süni intellekt sahəsinə yatırımların "Nvidia"ya təsir göstərəcək qədər azalacağı hələlik məlum deyil. Bununla belə, bir texnologiya konsaltinq şirkəti "Nvidia"dan ən çox çip alan şirkətlərin siyahısını açıqlayan hesabat yayımlayıb. Siyahıda texnologiya sektorunun tanınmış adları ilə yanaşı, süni intellekt çiplərinin əsas alıcısı kimi görünməyən bəzi şirkətlər də yer alır.  

"Nvidia" müştəriləri: ekspertlərin fikirləri

"Nvidia" çip alıcıları siyahısını tərtib edən analitiklər qlobal texnologiya konsaltinq şirkəti olan "Omdia"ya məxsusdur. "The Financial Times" qəzetinin son hesabatına əsasən, “Omdia, şirkətlərin ictimaiyyətə açıqlanan kapital xərclərini, server göndərişlərini və təchizat zənciri məlumatlarını təhlil edərək öz hesablamalarını aparır.”  

Bu halda, analitiklər "Nvidia Hopper" qrafik prosessor vahidlərini ("GPU") – məlumat mərkəzi infrastrukturunda geniş istifadə edilən məşhur çipi ən çox alan şirkətləri təhlil ediblər. Qeyd etmək vacibdir ki, bu siyahıda verilən rəqəmlər "Nvidia" tərəfindən təqdim edilən faktiki sifariş statistikaları deyil, təxmini göstəricilərdir.  

"Omdia" analitiklərinə görə, 2024-cü ildə "Microsoft" ("MSFT"), "Nvidia Hopper" çiplərini ən çox sifariş edən texnologiya şirkəti olub və ümumi sifarişin 485,000 olduğu təxmin edilir. Bu rəqəm siyahıda ikinci yerdə olan ABŞ şirkəti "Meta Platforms"un ("META") 224,000 çip sifarişi ilə müqayisədə iki dəfə çoxdur.  

Lakin bu Silikon Vadisi liderlərinin arasında Çində yerləşən iki tanınmış beynəlxalq texnologiya şirkəti də mövcuddur.  

Çin bazarının rolu

"ByteDance" şirkəti, ABŞ-ın "Microsoft" şirkətindən sonra, təxminən 230.000 çip sifarişi ilə sıralanır. Onun ardınca isə texnologiya nəhəngi "Tencent Holdings" daha kiçik bir sifarişlə yer alır.  

"Financial Times" xəbər verir ki, həm "ByteDance", həm də "Tencent" şirkətlərinin 2024-cü il üçün "Nvidia" çip sifarişlərinə ABŞ ixrac nəzarətinə uyğunlaşdırılmış və Çinə xüsusi hazırlanmış daha az güclü "Hopper" modeli olan H20 çipləri daxildir.  

"Meta"nın sifarişindən sonra siyahıda növbəti üç ən iri alıcı İlon Maskıniki şirkəti – "Tesla" və "xAI" (bir şirkət kimi qeyd olunub), daha sonra isə "Amazon" və "Google" yer alır.  

"Omdia"nın təxminlərinə əsasən, üç əsas Silikon Vadisi şirkəti "Nvidia" çiplərinə, əsas rəqiblərindən biri ilə müqayisədə, əhəmiyyətli dərəcədə daha kiçik sifarişlər verib.  

"Nvidia" çip bazarında dəyişikliklər

"Nvidia"nın süni intellekt çiplərinə sənaye üzrə geniş tələbat şirkəti bu sahədə lider mövqeyə gətirib. Lakin bu sifarişlər "Nvidia" üçün önəmli suallar yaradır: "Amazon" və "Google", "Nvidia" çiplərindən uzaqlaşaraq öz süni intellekt platformalarını gücləndirmək üçün alternativlərə keçid edir?  

Digər texnologiya şirkətləri də "Nvidia"nın süni intellekt texnologiyası ilə rəqabət aparmaq üçün ciddi addımlar atırlar. "TheStreet" nəşrinin məlumatına görə, "Amazon" öz xüsusi çiplərini təkmilləşdirərək müştəri xərclərini azaltmağı və tədarük zəncirinə nəzarəti artırmağı hədəfləyir. Bu da "Nvidia"dan asılılığın azalmasına səbəb ola bilər.  

2024-cü ilin aprel ayında "Google" və "Meta" öz daxili süni intellekt çiplərində irəliləyişlər elan edib və bunları "Nvidia" çiplərinə alternativ kimi təqdim ediblər. Bu isə "Nvidia" üçün "trilyon dollarlıq sual" yaradıb: Bu yeni çiplər nə qədər təhlükə törədə bilər?  

Çin bazarının əhəmiyyəti və riskləri

"ByteDance" və "Tencent" şirkətlərinin yüksək "Nvidia" çip sifarişləri göstərir ki, "Nvidia" Çin bazarında hələ də populyardır. Bununla yanaşı, "TikTok"un ABŞ-da qadağan ediləcəyi ehtimalı bu platformanın gələcəyini qeyri-müəyyən edir.  

Əgər "Nvidia" ABŞ bazarında, xüsusilə "Amazon" və "Google"un kiçik sifarişləri ilə, mövqeyini itirirsə, şirkət bu itkini digər bazarlarda kompensasiya etməlidir. Lakin "ByteDance"dən gələn sifarişlərə güvənmək risklidir, çünki "TikTok"un fəaliyyətini azaltmaq məcburiyyəti ilə üzləşməsi mümkündür.  

"Broadcom" və digər rəqiblərin süni intellekt çip bazarında irəliləyişləri də "Nvidia" üçün əlavə təzyiq yaradır.  

Rəhim