"Meta"nın sosial şəbəkəsi "Threads" artıq aylıq 275 milyon aktiv istifadəçiyə(MAU) sahibdir"

Valyuta.Az-ın Techrunch-a istinadla verdiyi xəbərə görə, bu barədə şirkətin bazar günü yaydığı məlumatda qeyd olunur.

"Dünən Threads-də aylıq 275 milyon aktiv istifadəçi sayını keçdik. Bu mərhələyə çatmaqda bizə kömək edən hər kəsə böyük təşəkkür edirik. Görməli çox iş var və düzəldilməli bir çox şey mövcuddur" deyə "Threads" və "Instagram"-ı idarə edən "Meta" rəhbəri Adam Mosseri bildirib.

2023-cü ilin iyul ayında Elon Mask platformanı satın aldıqdan sonra "X"-dən ayrılan milyonlarla istifadəçini cəlb etmək üçün istifadəyə verilən "Threads" sürətlə istifadəçi qazanıb və indi ən böyük mətn əsaslı sosial şəbəkələrdən birinə çevrilib. Platforma aprel ayında 150 milyon, avqust ayında isə 200 milyon aylıq aktiv istifadəçi sayına çatmışdı, yəni son 3 ayda 75 milyon aktiv istifadəçi qazanıb.

Keçən həftə "Meta" CEO-su Mark Zukerberq şirkətin 2024-cü ilin üçüncü rübünün nəticələri üzrə təşkil edilən konfrans zamanı hər gün bir milyon insanın "Threads"-ə qoşulduğunu bildirib.

Rəhim