Apple 2024-cü ildə Vision Pro qulaqçıqlarını 3499 dollara satmağa başlayıb və indi o, cihazın sadələşdirilmiş versiyası üzərində işləyir.

Valyuta.az xəbər verir ki, bu barədə Bloomberg insayderi və jurnalist Mark Qurman bildirib.

Mənbənin sözlərinə görə, yeni, daha sərfəli model 2025-ci ildə debüt edəcək. Qacet təxminən 2000 dollara başa gələcək və çox güman ki, aşağı səviyyəli prosessor və daha ucuz materiallardan istifadə edəcək. Qulaqcıqda istifadəçinin gözlərini kənardan göstərən EyeSight da olmayacaq.

Daha aşağı qiymət sayəsində Apple cihazın Vision Pro-dan ən azı iki dəfə çox satılacağını gözləyir. Ancaq yenilik bununla bitmir. Şirkət həmçinin Vision Pro-nun davamçısını hazırlayır. Onu 2027-ci ildə gözləməyə dəyər. Təəssüf ki, hələlik yeni detallar yoxdur.

Nicat