Cənubi Koreya elektronika istehsalçısı Samsung Vyetnamda OLED displey zavodunun tikintisinə 1,8 milyard dollar sərmayə qoymağı planlaşdırır. 

Valyuta.az xəbər verir ki, bu barədə Reuters yazıb.

Onun sözlərinə görə, istehsal ölkənin şimalında mövcud Samsung zavodunun yaxınlığında yerləşəcək. Bunun fonunda agentlik qeyd edir ki, son on ildə Vyetnam texnologiya şirkətləri üçün istehsalın lokallaşdırılması üzrə ən populyar yerlərdən birinə çevrilib. Belə ki, bu günə qədər Samsung bu ölkədə altı fabrik, eləcə də tədqiqat və inkişaf mərkəzi yerləşdirib. Cənubi Koreya korporasiyasının Vyetnama ümumi investisiyası 22,4 milyard dollara çatıb.

İyul ayında Samsung ikinci rübdə keçən ilin eyni dövrü ilə müqayisədə əməliyyat mənfəətinin rekord 15 dəfə artdığını bildirib. Aprel-iyun ayları ərzində əməliyyat mənfəəti 10,4 trilyon von (təxminən 7,5 milyard dollar) təşkil edib. 2023-cü ilin ikinci rübündə bu rəqəm 668 milyard von (487 milyon dollar) olub. 

Nicat