![](https://valyuta.az/file/articles/2024/07/24/1721802277_dfcc058b-a802-4ce1-bbe0-eb35515fe6cd.jpg)
“WhatsApp”a internet olmadan işləyən funksiya əlavə edildi
“iPhone” üçün “WhatsApp”ın beta versiyasında internetdən istifadə etmədən yaxınlıqdakı insanlarla fayl paylaşmağa imkan verən funksiya əlavə olunub.
Valyuta.az xəbər verir ki, bu barədə “WABetaInfo” portalı məlumat yayıb.
Yenilik “WhatsApp”ın iOS üçün 24.15.10.70 nömrəli beta versiyasında müşahidə edilib və onu “TestFlight”a yükləmək olar. Yaxınlıqda yerləşən qurğular arasında sənədləri, fotoları, videoları və digər faylları ötürməyə imkan verən oxşar funksiya əvvəllər messencerin “Android” versiyası üçün də aşkar edilib.
Ehtimal olunur ki, yenilik qeyri-sabit və ya bahalı internet bağlantısı olan istifadəçilər tərəfindən yüksək qiymətləndiriləcək və foto və videolar kimi böyük faylların yüksək təsvir ölçüsündə ötürülməsi prosesini xeyli sadələşdirəcək.
Yenilik hələ inkişafın ilkin mərhələsindədir, ona görə də onun messencerdə görünmə tarixi açıqlanmayıb.
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay