“Retail Group Azərbaycan” MMC barəsində inzibati iş başlanıb. 

Valyuta.az xəbər verir ki, şirkət İnzibati Xətalar Məcəlləsinin 483-cü (Xarici iqtisadi fəaliyyətin həyata keçirilməsi nəticəsində əldə edilmiş və Azərbaycan Respublikasının müvəkkil olunmuş banklarının hesablarına məcburi qaydada köçürülməli olan az miqdarda xarici valyuta vəsaitlərinin xaricdən qaytarılmaması) maddəsi ilə ittiham edilir. 

İş baxılması üçün Səbail Rayon Məhkəməsinə göndərilib. 

483-cü maddəyə görə inzibati xətanın bilavasitə obyekti olan xarici valyutanın dəyərinin otuz faizindən əlli faizinədək məbləğdə cərimə edilir.

2011-ci ildən fəaliyyət göstərən "Reatil Group Azərbaycan" MMC Səudiyyə Ərəbistanının "Fawaz Al Hokair Gorup" şirkətinin təsisçiliyi ilə yaradılıb. Şirkət Azərbaycanda Zara, Massimo Dutti, Bershka, Stradivarius və digər tanımış brendlərinin rəsmi təmsilçisidir.

2022-ci ildə "Fawaz Alhokair Group” şirkətlər qrupu “Arabian Centres” və “Fawaz Alhokair Fashion Retail Co.” şirkətləri ilə birlikdə rebrendinq etdiyini açıqlayıb. Rebrendinq nəticəsində "Reatil Group Azərbaycan"ın da adı dəyişib. Şirkət hazırda rəsmi olaraq "Cenomi Azərbaycan" adlanır. 

"Ceno" yunan dilindən tərcümədə  “yeni”, “Mi” isə “mən” deməkdir.

Hüseyn