"Google"un süni intellekt texnologiyasını gücləndirmək üçün istifadə etdiyi prosessorların ABŞ-da bir kompüter aliminin patentlərini pozması iddiası ilə şirkətə qarşı yeddi milyard dollar təzminat tələb edilib.

Valyuta.az xəbər verir ki, ABŞ şirkəti "Alphabet" "Google"u süni intellekt texnologiyasını gücləndirmək üçün istifadə etdiyi prosessorların bir kompüter aliminin patentlərini pozduğunu bildirib. Massaçusetsdə yaşayan kompüter alimi Cozef Beyts tərəfindən qurulan "Singular Computing", "Google"un onun texnologiyasını kopyaladığını və "Google Search", "Gmail", "Google Translate" və digər xidmətlərində süni intellekt xüsusiyyətlərini gücləndirmək üçün istifadə etdiyini irəli sürüb.

"Reuters"in məlumatına görə, "Google" tərəfindən məhkəməyə təqdim edilən sənəddə "Singular Computing"in yeddi milyard dollara qədər maddi təzminat tələb etdiyi və bu rəqəmin ABŞ tarixində patent hüquqları pozuntusuna görə verilən ən böyük mükafatdan iki dəfə çox olduğu bildirilib.

Şirkətin sözçüsü Xose Kastaneda "Singular Computing"in patentlərini "şübhəli" adlandırıb və bildirib ki, "Google" öz prosessorlarını uzun illər ərzində müstəqil şəkildə inkişaf etdirib. Məhkəmənin iki-üç həftə davam edəcəyi gözlənilir.

"Singular Computing"in 2019-cu il tarixli şikayətində Beytsin 2010-2014-cü illər arasında kompüter emalı sahəsindəki yeniliklərini "Google"la paylaşdığı bildirilir. Şirkət texnologiya nəhənginin süni intellekt imkanlarını inkişaf etdirən "Google"a aid olan "Tensor Processing Units"in Beytsin texnologiyasını kopyaladığını və iki dəfə patent hüquqlarını pozduğunu söyləyib.

Şirkətin şikayətində "Google"un Beytsin kəşf etdiyi, daha çox emal gücü olan, süni intellekt təlimi və nəticə çıxarma üsulunu dəyişdirən bir arxitekturadan yararlandığı bildirilib. "Google" 2016-cı ildə nitqin tanınması, məzmunun yaradılması, reklam tövsiyəsi və digər funksiyalar üçün istifadə olunan süni intellekti gücləndirmək üçün emal bölmələrini təqdim etmişdi. "Singular Computing", 2017 və 2018-ci illərdə təqdim edilən vahidlərin iki və üçüncü versiyalarının onun patent hüquqlarını pozduğunu söylədi.

Texnologiya nəhəngi dekabr ayında məhkəmədə onun prosessorlarının "Singular Computing"in patentləşdirilmiş texnologiyasından fərqli şəkildə işlədiyini və patentlərin etibarsız olduğunu irəli sürüb.

Elmir