“Youtuber” olub video çəkərək pul qazananların sayı günü-gündən artır. “YouTube”da ən populyar və baxılan video növləri hansılardır? “YouTube”da ən çox axtarılan məzmunlar hansılardır?

“YouTube” kanallarını açıb məzmun paylaşanların sayı günü-gündən artır. Ancaq hər video göründüyü qədər dəfələrlə izlənilmir. Bunun üçün istehlakçıya müəyyən məsələləri təqdim etmək lazımdır.

Sizə ideya verə biləcək ən çox baxılan məzmun növləri bunlardır.

Məhsulun yoxlanması videoları

Məhsulların yoxlanması videoları bu mövzular arasında birinci yerdədir. Araşdırmaya görə, hər 10 nəfərdən 6-sı bu videolara maraq göstərir. Xüsusilə texnologiya həvəskarları tərəfindən seçilən məhsula baxış videoları çox populyardır. Çünki insanlar məhsulu almamışdan əvvəl araşdırmaq və yoxlamaq istəyirlər. Bu səbəbdən məhsula baxış videoları ön plana çıxır.

“Necə?” videoları

“YouTube”da ən çox baxılan videolar arasında "necə" sualına cavab verənlər də var. Tort hazırlamaq istəyirsiniz? Resepti olan hazır video işinizi asanlaşdıracaq. Bu ən sadə nümunədir. Velosiped təmirindən tutmuş tikiş qaydalarına qədər… Həyatımızda “Bunu necə edək” sualının cavabları “YouTube”da ən çox baxılanlar sırasındadır.

Makyaj kanalları

“YouTube”da makyaj videoları da çox izlənilir. Təbii ki, hamı maraqlandığına və insanların çoxu bunu etdiyinə görə fərqlənmək üçün fərqli bir şey etmək lazımdır. Əgər istedadınız varsa, makyajla məşhurlara oxşamaq haqqında video hazırlaya bilərsiniz. Yaxud kanalınıza qonaq dəvət edib makyaj edə bilərsiniz.

Oyun videoları

“YouTube”a xüsusilə uşaqlar və gənc nəsil üstünlük verir. Yaş həddi bir az gənc olduğu üçün onlar üçün xüsusi məzmun hazırlamaq lazımdır. Xüsusilə oyun videoları müəyyən yaşda olan fərdlər üçün üstünlük verilən sahədir. İstehsal etdiyiniz məzmun, o cümlədən oyunun təfərrüatları və oyunu oynayarkən nələrə diqqət edilməsi ilə bağlı bölüşdüyünüz məlumatlar sizə çoxlu abunəçi qazandıracaq.

Məsləhət videoları

Adətən, “Instagram”da edilsə də, məsləhət videoları da bu sahədə çox populyardır. Xüsusilə “gedək və öyrənək” kanalları səyahət edənlər üçün yaxşı nümunədir. Məsələn, hansısa ölkəyə getmək qərarı verdiniz. “Youtube”da bu yer haqqında məlumat almaq istədiyiniz zaman çoxlu səyahət videoları görünür. Həm gedəcəklər üçün fikir verir, həm də gedə bilməyənlər üçün turu göstərir. Xüsusilə də xaricdən gələn videolar bu baxımdan ideal baxış nisbətini verir.

Təlim videoları

Hər kəsə xoş gəlməsə də, davamlılığı olduğu üçün bu sahədə mütəxəssis olan insanların videolarına çox baxılır. Riyaziyyat dərslərindən dil təhsilinə qədər bir çox məzmunlu videolara daxil ola biləcəyiniz bu sahədə fərqlənməyin yolu məsləhətdir.

“YouTube”da pul qazanmaq və hər bir işdə olduğu kimi müəyyən səviyyəyə çatmaq istəyirsinizsə, yeni məzmunlar istehsal etməli və istifadəçini cəlb edən başlıqlar tapmalısınız.

Nuray