Azərbaycanın internet bazarında bu ilin avqust ayında “Google Chrome” brauzerinin bazarda payı 78.79 faiz təşkil edib.

Valyuta.az Banker.az-a istinadən xəbər verir ki, bu barədə “Global Stats” statistika mərkəzi açıqlayıb.

Cari ilin iyul ayı ilə müqayisədə “Google Chrome” brauzerinin payı 0.09% artıb.

“Yandex Browser” brauzerinin bazar payı 1.31% təşkil edib ki, iyun ayı ilə müqayisədə bu göstərici 0,09% artıb.

Bunun əksinə “Samsung Internet” brauzerinin payı 5.09%-ə bərabər olub ki, iyul ayı ilə müqayisədə bu göstərici də 0.06 faiz azalıb.