Azərbaycanda telefon rabitəsinin yaradılmasının 140 illiyi ilə bağlı silsilə tədbirlər həyata keçiriləcək.

Valyuta.az xəbər verir ki, bu barədə Nəqliyyat, Rabitə və Yüksək Texnologiyalar Nazirliyi məlumat yayıb.

Məlumata görə, artıq yubileylə bağlı “Azərbaycan Telefon Rabitəsi 140” loqotipi hazırlanıb.

Yubiley çərçivəsində il ərzində bir sıra silsilə tədbirlər həyata keçiriləcək.

Könüllü qanvermə aksiyası, müvafiq mobil operator tərəfindən bir neçə regionda təmənnasız səyyar mobil diş və mobil göz klinikaları təşkil olunacaq.

Müvafiq mobil və sabit şəbəkə operatorları müxtəlif xidmətlər üzrə xüsusi güzəştli kampaniyalar keçirəcək.