Bakıda “040 Cars" Məhdud Məsuliyyətli Cəmiyyəti (MMC) barəsində cərimə tətbiq edilib. 

Valyuta.az-ın məlumatına görə, şirkət məhkəməyə Dövlət Gömrük Komitəsi Aksizli Mallar üzrə Baş Gömrük İdarəsindən daxil olmuş 14000-00567/23 nömrəli, 22 iyun 2023-cü il tarixli inzibati xəta haqqında daxil olan protokola görə cərimələnib. 

Belə ki, “040 Cars" MMC-yə məxsus 22 iyun 2023-cü il tarixdə “Toyota Highlander” markalı nəqliyyat vasitəsi gömrük ərazisinə gətirməzdən əvvəl elektron formada qısa idxal bəyannaməsi verməli olduğu halda, 19 iyun 2023-cü il tarixdə Cənub Ərazi Baş Gömrük İdarəsinin “Biləsuvar” gömrük postundan keçirməklə gömrük ərazisinə gətirilib. Həmin nəqliyyat vasitəsinə dair gömrük orqanına elektron formada qısa idxal bəyannaməsi verilməyib. 

“040 Cars" MMC tərəfindən qısa idxal bəyannaməsi tərtib edilmədiyi üçün gömrük bəyannamələrinin 40-cı qrafasında da qeyd edilməyib. Nəticədə, gömrük qaydaları əleyhinə inzibati xəta baş verib. Şirkət barəsində protokol tərtib edilərək, iş məhkəməyə göndərilib. 

Məhkəmənin qərarı ilə “040 Cars" MMC İnzibati Xətalar Məcəlləsinin 485.2-ci maddəsində nəzərdə tutulan inzibati xətanı törətməkdə təqsirli bilinsin və barəsində 1.500 manat məbləğində cərimə növündə inzibati tənbeh tədbiri tətbiq edilib.

Vüqar