Cari ilin yanvar-avqust aylarında Azərbaycana xarici ölkələrdən 1 316 689,5 ton miqdarında bitumlu süxurlardan alınmış xam neft və xam neft məhsulları alıb.

Valyuta.az rəsmi məlumatlara istinadən xəbər verir ki, bu miqdarda məhsulun alışına 740 milyon 868,49 min ABŞ dolları vəsait xərclənib. İdxal olunan xam neftin bir tonu üçün orta gömrük dəyəri 562,7 ABŞ dolları təşkil edib.

İdxal olunan xam neftin 1 150 363,6 tonu Rusiyadan, 131 732,8 tonu Türkmənistandan, 34 593,1 tonu Qazaxıstandan alınıb. Rusiyadan alınan xam neftin bir tonu üçün orta gömrük dəyəri 558,3 dollar (949 manat), Türkmənistandan alınan xam neftin bir tonu üçün orta gömrük dəyəri 575 dollar (977 manat), Qazaxıstandan alınan xam neftin bir tonu üçün orta gömrük dəyəri 659 dollar (1 121 manat) olub.

Qeyd edək ki, bəhs olunan dövrdə Azərbaycan xarici ölkələrə 16 milyon 475 min 802,8 ton miqdarında, 10 milyard 308 milyon 18 min 860 ABŞ dolları dəyərində bitumlu süxurlardan alınmış xam neft və xam neft məhsulları ixrac edib.

Əvəz Həsənov

HƏMÇİNİN BAX:

Azərbaycanda neft istehsalı azalıb, qaz istehsalı artıb - Rəqəmlər

Azərbaycan ən çox hansı ölkələrə xam neft və neft məhsulları satır? - TOP 5

Azərbaycan Türkiyəyə xam neft və qeyri-neft məhsulları satışını azaldıb