Bu ilin yanvarın 1-nə Azərbaycan Dövlət Neft Fondunun (ARDNF) müddətli depozit qoyuluşu 1 milyard 901,385 milyon manat təşkil edib.

Valyuta.az xəbər verir ki, bu barədə Fondun audit hesabatında bilıdirilib.

Sənədə əsasən, bu, 2023-cü il yanvarın 1-i ilə müqayisədə 4,5 % çoxdur.

Müddətli depozitlər Neft Fondunun qısamüddətli aktivlərinin 2,04 %-ni təşkil edib.

Hesabata əsasən, 2023-cü ilin sonuna müddətli depozitlərin əsas hissəsini Türkiyə Mərkəzi Bankında yerləşdirilmiş 1 milyard 893 milyon 143 min manat (il ərzində 4,4 % artıb) məbləğində depozit təşkil edir. Bu depozit üzrə 16 milyon 543 min manat (+7,14 dəfə) məbləğində faiz hesablanıb.