OPEC+ nazirlərinin görüşü Anqola və Nigeriyanın neft hasilatını artırmaq istəyi səbəbindən təxirə salınıb. 

Valyuta.az xəbər verir ki, bu barədə "Reuters" məlumat yayıb.

İclasda neft hasilatının azaldılması üzrə mövcud tendensiyanın uzadılmasının müzakirəsi planlaşdırılırdı, lakin bütün iştirakçılar bununla razılaşmayıb. Anqolanın nümayəndələri bildiriblər ki, ölkə yataqların işlənməsinə sərmayə yatırır və dayanmaq istəmir.

Bundan əlavə, agentliyin OPEC+-dakı mənbələri görüşün təxirə salınmasının digər Afrika ölkələri ilə də əlaqəli olduğunu bildiriblər: İyun ayında OPEC+ Anqola, Nigeriya və Konqoya 2024-cü il üçün hasilat kvotalarına yenidən baxacağına söz verib.

Noyabrın 22-də OPEC və OPEC+ görüşlərinin rəsmi olaraq noyabrın 25 və 26-dan noyabrın 30-na təxirə salındığı bildirilib.

"Goldman Sachs" investisiya bankının analitiklərinin fikrincə, OPEC+ alyansına daxil olan ölkələrin qarşıdan gələn iclasda neft hasilatının azaldılmasını intensivləşdirməyə qərar vermə şansı təxminən 35% təşkil edir.

Paşa Məmmədli